Posts

Showing posts from February, 2026

ஜனனி ஜெயம் நீ...! - ஜூனியர் தேஜ்

Image
    ஜனனி...! ஜெயம் நீ...!! நாவல் சுருக்கம் –       .ஆட்டிசம் குறைபாட்டின் ஒரு வகையான "லிட்டில் ப்ரொஃபஸர் சிண்ட்ரோம்” அதாவது (சிறிய பேராசிரியர் குறைபாட்டால்) குழந்தைப் பருவத்திலேயே பாதிக்கப்பட்டவள் ஜனனி.    பற்பல சமுதாயக் குறுக்கீடுகளையும், இடையூறுகளையும், அழுத்தங்களையும், தடைகளையும் கடந்து, தியாகத் தாயின் வைராக்யத்தாலும், நேர்த்தியான வளர்ப்பு முறையாலும், பள்ளி மற்றும் கல்லூரி ஆசிரியர்களின் சரியான வழிகாட்டுதல்களாலும், சில பல தூய நட்புகளாலும் மற்றும் எத்தனை எத்தனையோ நல்லுங்களின் பாசத்தாலும், நேசத்தாலும், உலகே போற்றும் வேளாண் விஞ்ஞானியாக உருவாகிறாள் ஜனனி.  எக்காலத்திலும் உயிர்வாழ அத்தியாவசியமான உணவுப் பயிர் குறித்து ஆராய்ச்சி செய்து, எந்த நாட்டிலும், எந்தச் சூழலிலும் குறைந்த நாட்களில் விளையும் வகையில் வீரிய ஒட்டு ரக நெற்பயிரை உற்பத்தி செய்து, அதை உலகுக்கு அர்ப்பணித்த ஜனனியை உலகமே போற்றிப் புகழ்ந்து விருதுகள் அளித்துக் கொண்டாடி மகிழ்ந்தன.     ஜனனிக்கு தொடக்கக் கல்வி அளித்த சிறுகுடி கிராமத்து அரசுப் பள்ளி வளாகத்தில் அரசுக் கல்வித்துறை...

விகடன் 18. 03.26 - வாசகர் மேடை -

Image
18.03.2026 - வாசகர் மேடை அல்ப சந்தோஷத்தை அனுபவிக்கும் தருணங்கள் சிலவற்றைப் பட்டியலிட முடியுமா? - ஜூனியர் தேஜ், சீர்காழி.  அச்சு அசலாக நம் உடைகளைப்போலவே உடுத்தி நிற்கும் ஜவுளிக்கடை பொம்மையின் பின்னணியில் செல்ஃபி எடுத்துக்கொள்ளும்போது...  பெரிய பெரிய ஆளுமைகளுக்கு அருகில் நிற்பதைப்போல AI உதவியுடன் புகைப்படம் தயாரித்து ரசிக்கும்போது...  ‘ஆட்டோக்காரன் 250 ரூபாய் கேட்டான். வேணாம்னு சொல்லிட்டு 10 ரூபாய் செலவுல டவுன் பஸ் பிடிச்சு வந்துட்டேன்' என்று உரத்து முணுமுணுக்கும்போது...  பந்தியில் நம் இலை வரை பாயசம் வந்து அடுத்த இலைக்கு இல்லாமல் தீர்ந்து போகும்போது...  ஊர்த் திருவிழா தொலைக்காட்சி ஒளிபரப்பில் தற்செயலாக நமது முகம் குளோஸ்-அப்பில் நீண்ட நேரம் ஒளிபரப்பாகும்போது...  நடக்காத காரியங்களை நடந்ததாகப் பகல் கனவு காணும்போது. * * * * 11.03.2026 - வாசகர் மேடை உலகம் எத்தனைதான் நவீனமாக மாறினாலும் மனித சமுதாயத்தில் என்றுமே மாறாத சிலவற்றைக் கூற முடியுமா? - ஜூனியர் தேஜ், சீர்காழி.  வேகத்தடையின் ஓரத்தில் இருக்கும் தடையில்லாத சமதளத்தின் வழியாக டூ வீலரை ஓட்டிச் செல்லுதல்.  பங்க்சர் கடையில் காற்று ப...